Salamo 119:59-69

⁵⁹Ena em abiabi ea nuanuatuidi, aegu ea toreuoidi em riba tabudi aridi eai;

⁶⁰Ea lelehi, taba nige ea bebeda em lauhesom bena ea nanabuedi.

⁶¹Laulau gewagewa tauna siposipo mainana arinai bena i sipoigu, na em laugagaeo taba nige ea nuahuiei.

⁶²Bulinuana eai ea toro ea lautoiem, em hesanapu ribadi duduraidi debadi eai.

⁶³Tatao gamagaridi taumatausiem eau boeadi eai, isi gamagaridi em lauheata ribadi se nanabuedi.

⁶⁴GUIAU e, em gadosisi miatahitahina ta tanoubu i hemonauyao; em laugagaeo bena u heatagu!

⁶⁵Em abi se lolo em heaheari tauna arinai, GUIAU e, oa em riba debana eai.

⁶⁶Sibasiba lolona eo sonoga oa bena u heatagu, paana em lauhesom ea awamamohoiedi.

⁶⁷Huiana eai wa sora nige amamna ea hearo, ea lausuaraem; na ina huia ta em riba ea sogohididinidi.

⁶⁸Oa u lolo, em abiabi hinage se lolo; em laugagaeo bena u heatagu.

⁶⁹Etene tataodi riba borabora arinai se hebaaeagu, na eau ma nuagu i ohihai em lauheata ribadi ea abididinidi.