4 Noon yeey dellu gannaaw, tërëf, sànku fi sa kanam.
5 Yaa ma àtte yoon, dëggal ma, toog ci sab jal, di àtte njub.
6 Rëbb nga xeet yi, sànk ñu bon ñi, far seeni tur ba fàww.
7 Noon ya raaf, gental ba fàww. Yaa déjjati seeni dëkk, seenu askan fey.
8 Aji Sax jee sax dàkk, samp jalam ngir àtte.
9 Moom mooy àtte àddina cig njub, di dogalal xeet yi dëgg.
10 Aji Sax jeey làq néew-ji-doole, mooy làqe bésub njàqare.
11 Aji Sax ji, yaw, ku la xam, wóolu la. Aji Sax ji, yaw, ku lay sàkku, doo ko wacc.
