2 Kàddug tooñ ga ku bon wax mu ngi sama xel mi. Mu ne: «Ana lu may ragal ci Yàlla?»
3 Day gis boppam, naagu, ba du gis sikkam, sib ko.
4 Ay waxam coxor aki fen, jëfeetul lu rafet ak lu baax.
5 Day mébét lu ñaaw cib lalam, taxawe yoon wu dëddu mbaax, te du bañ lu bon.
6 Céy Aji Sax ji, gore nga ba kaw asamaan, dëggu ba kaw-li-kaw.
7 Sa njekk a tiim tund yu mag yi, sa àtte ne xéew ni xóotey géej. Céy Aji Sax ji, nit ak mala, nga boole sàmm!
8 Céy Yàlla, yaa wéet ngor, doom aadama yiiroo sa ker, yiiru;
9 yafloo sa njël lu duun, sa xéewal wal, nga nàndale ko.
10 Ci yaw la dund di balle, te sag leer lanuy leerloo.
