10 Yoxsa hər eşidən sənə xor baxar, Bu səni etibardan salar.
11 Yerində deyilən sözlər, Gümüş oymalar içində qızıl almalara bənzər.
12 Sözəbaxan insana hikmətlinin məzəmməti Qızıl sırğa, qızıl bəzək kimidir.
13 Biçin zamanı qar kimi sərinlik necədirsə, Etibarlı elçi də onu göndərən üçün belədir. O, ağasının ruhunu təzələyir.
14 Kim ki vermədiyi bəxşişlərlə öyünür, Yağışsız buluda və küləyə bənzəyir.
15 Səbirlə hökmdarı da inandırmaq olar, Şirin dil sümükləri belə, yumşaldar.
16 Bal tapsan, lazımi qədər ye, Acgözlüklə yesən, qusarsan.
