5 Saleh adam yalana nifrət edər, Şər insanın sözləri xəcalət və rüsvayçılıq gətirər.
6 Kamillik yolunda olanı salehlik qoruyar, Günahkarı şər yıxar.
7 Adam var ki, heç nəyi yoxdur, özünü varlı göstərir, Adam var ki, malı çoxdur, özünü yoxsul göstərir.
8 Sərvət insanın canını təhlükədən qurtarar, Yoxsul isə hədə-qorxu eşitməz.
9 Saleh insanların işığı könlü sevindirər, Şər insanların çırağı sönər.
10 Təkəbbürdən ancaq münaqişə yaranar, Yaxşı nəsihətə qulaq asanın hikməti var.
11 Kələklə gələn sərvət azalar, Zəhmətlə qazanılan sərvət isə artar.
