ROOM 12:7-17 in Wolof

⁷ kuy topptoo yëfi mbooloo mi, nga takku ci; ku Yàlla may, ngay jàngle, nekk ci;

⁸ kuy feddali ngëmu nit ñi ci Yàlla, nga sax ci; kuy séddoo alalam ak nit ñi, nga def ko ak xol bu laab; kuy jiite mbooloo mi, nga sawar ci; kuy dimbali ñi néew doole, nanga ci bég.

⁹ Na seen cofeel di lu dëggu te baña nekk ngistal; araamal-leen lu bon te sax ci lu baax.

¹⁰ Bëgganteleen ak xol bu leer, niy doomi ndey, te farlu ci teralante.

¹¹ Sawarleen te baña tayel, di jaamu Boroom bi ak seen xol bépp.

¹² Bégleen ci yaakaaru ëllëg te muñ bépp tiis, di sax ci ñaan Yàlla.

¹³ Dimbalileen gaayi Yàlla yi ci seeni soxla, te saxoo dalal gan.

¹⁴ Ku leen fitnaal, ñaanal-leen ko yiw, te bañ koo móolu.

¹⁵ Bégandooleen ak ñi bég, te jooyandoo ak ñiy jooy.

¹⁶ Bokkleen menn xel, tey baña yékkatiku, di yóotu daraja, waaye ngeen fonk ñi suufe; buleen teg seen bopp boroomi xel.

¹⁷ Buleen feyante lu bon, waaye sàkkuleen seede su rafet ci kanam ñépp.

⁷ su dee wàllu jàpple, deel jàpple; su dee wàllu njàngle, ngay jàngle;

⁸ Su dee wàllu kàddu yuy yokke, ngay wax luy yokk gëmkat ñi; su dee wàllu joxe, deel joxe te Yàlla rekk tax; su dee wàllu jiite, taxawal temm ci liggéeyub jiite; su dee wàllu baaxe nit ñi, nay loo bége.

⁹ Na seen cofeel mucc ci ngistal, seexluleen lu bon te ŋoy ci lu baax.

¹⁰ Na leen mbëggeelug bokk taxa fonkante, te ngeen farlu ci di terlante.

¹¹ Sawarleen te baña yoqi, jaamuleen Boroom bi, ànd ceek pastéefu xol.

¹² Bégeleen seen yaakaar, di muñ ci biir tiis, tey saxoo ag ñaan.

¹³ Deeleen def seen loxo ci lu faj soxlay gëmkat ñu sell ñi, te boole ci am teraanga.

¹⁴ Ñi leen di bundxatal, ñaanal-leen leen, ñaanal-leen leen te bañ leena móolu.

¹⁵ Ñi ci mbégte, bokkleen ak ñoom seen mbégte; ñi ci naqar, ngeen bokk ak ñoom seen naqar.

¹⁶ Mànkooleen, buleen xëccu daraja, waaye nanguleena jonjoo ak ñi féete suuf, te baña jàppe seen bopp boroomi xel.

¹⁷ Buleen feyantoo, fexeleen di def lu rafet, ñépp seede ko.