Romanos 1:24-25

²⁴Ruma kꞌu laꞌ, ri Dios xebꞌuya kan chupa ri chꞌulilaj mak y chupa ri kirayibꞌal na chom taj. Jekꞌulaꞌ xkijeq xemakun chikiwach, xkiꞌan rukꞌ ri kicuerpo ri lik kꞌixbꞌal uwach.

²⁵Waꞌ xkikꞌulumaj ma xkikꞌaq bꞌi ri Qꞌijsaq re ri Dios yey pukꞌaxel e xkitaqej ri xa raqꞌubꞌal. Ekꞌu xkiyak kiqꞌij y xkiloqꞌoj janipa taq ri uꞌanom ri Dios; yey na e ta xkiyak uqꞌij ri ꞌanayom re janipa taq ri kꞌolik, ri Jun lik taqal che kayak uqꞌij na jinta utaqexik. Amén.