Roma 16:9-17

⁹Eban nung Kristora burora soremao emo naname, aune Stekis otao nana, awongto arugatinena, awiya tugata yepu nigaeto.

¹⁰Apelis Kristora emo me nung awiya arugatinena. Aristobulora awiso awong awiya arugatinena.

¹¹Yuda emo otao nana Herodion awiya arugatinena. Nasisasra awiso Tuwara gera nowa awong awiya arugatinena.

¹²Bauno etobe Traifinato Traifosa awongto Tuwa eno buro bainakama yero nowato, awongto awiya arugatinena. Bauno Pesis nung deka ayero tauyero Tuwara buro yero nauna, nung awiya dema arugatinena.

¹³Tuwara mani yazore Rufas aune ai nuna nung aya nana ine yena, awongto awiya arugatinena.

¹⁴Asinkritas, Filigon, Hemis, Patrobas, Hemas aune otao mani nuna aune, awong awiya arugatinena.

¹⁵Filologasto bauno Zulia, Neria nu-baunodi nuna aune, nupema Olimpas aune Tuwara dubu nung aune dema yero nowa, awong apakana awiya arugatinena.

¹⁶Niye nika niyetope Tuwara gera wawong wina-ini yepu. Kristora dubu napo sero mitowa awong amimene niye arugatineya ara.

¹⁷Otao mani nana, ena mene ninae-una atu gagausao tapunasani Tuwara ge niye eno yemaoko gipao awiya sisigari sero nasani tumo diyao ninae besari nasani nowa, emo ayao awiya umo yero giro awang sepu.