Rom 4:14-20

¹⁴Gunuk ra o God in pitar a rakrakon bual tan a taro uni det mur Warkurai, a nurnur ke gas un tu utna, ma a liliman anun o God a utna oros kut.

¹⁵Uni a kankan anun o God i kis un det ra det nem na mur a kum Warkurai, ikut ka det mur sot pasi. Ra kalako kum Warkurai, ka din takun taio lena i lakai warkurai.

¹⁶I mo ra a utna ra o God i uliliman tari, in pitari torom det ra det nurnur. O God i pami lenra, sur in elar nama etabor na marmaris, ma in nan ut torom a kabotaro rop anun o Abaram. Awu sur torom a taro Juda kut ra di pitar tar a kum Warkurai tandet. Awu! Torom det utkai ra det nurnur elar nam o Abaram, i ra a tamandat rop.

¹⁷Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.

¹⁸O God i uliliman tar o Abaram sur in ulabo pas tu nutunu. Una tamtama anun o Abaram, ke sot sur din pam sot pas a liliman ra. Ikut, i nurnur, ra i wanpat a taman a taro tagun a susut na gapman. Elar nama liliman anun o God toromi lena, “A kum tumtubum det in susut.”

¹⁹Ma anun a nurnur ke puku ra i tama i lena, anun a kilalo i sa elar nam ara mar, ma ke elar melet mo sur in ululabo. Ma o Sara kai i sa takano ra ke elar mo sur in usus.

²⁰Ikut o Abaram ke wur nuknuk una liliman anun o God. I tur dekdek una nun a nurnur ma o God i udekdek anun a nurnur, ra o Abaram i watung ulabo pas o God.