Rom 1:17-23

¹⁷Ge, Jisasnu me jena Anut uqa ege dana cajacanu ititom ena eu adi odona eu ihacgena. Eu wawige meleen jic euna himec ege dana cajaca ititom Anut amegna tawoqona. Eunu ege wawaga meleen eunu Anut uqa ege dana cajaca ititom ecnu ihoc. Eu odi Anutna jaqec je madena: “Dana cajaca age Anutnu wawaga meleeceb Anut uqa dana cajaca eu ititom ec madeceb age cebac biluqagan,” ena.

¹⁸Ege doqona, Anut gemag bec eu sao jobondec nimei camasac mena. Uqa dana cunug age silail mimi kobol me qee odogina eundec wadacdoc ameg me qee adenanu. Dana eu age silail megina euna mele je cilehdogina.

¹⁹Anut uqa uqana kobol dana cunug wele ihacaden. Eu ageca camasac men. Eunu dana eundec cunug age Anutna kobol mati wele doin. Anut uqadodoc wele ihacaden. Euqa age uqa hibemdoin. Eunu uqa wadacdoc ameg me qee adena.

²⁰Wele bahic Anut uqa ceteteh cunug ifanen saen eunadec hocob qila dana age uqa ceteteh ifanen eu fegina. Ifan euna age Anutna jahunec kobol leih dana age docwe qee ec docnu ihoc. Eu Anutna ifan gug bahic odi fegina. Uqa uqana gagadic odoc odi bileceb catanena, uqa Anut bilia eu age docnu ihoc. Odinu dana eundec age agena cahuldoc jajahuni madi ija Anut qee hibemdolom, ija Anutnu qee dugina ecebilfi agena je eu cesuladecnu ihoc qee.

²¹Ge, age Anutnu dogina qa age uqa Anut bahic ec qee cisdoloin. Odimeig binan qee sululein. Odimeig age hegaga qee doloin. Age dalawan aqen. Odocob age agena cisdoc eu silecca qee mimi lecebil tu kauaden.

²²Age deboii madein, “Ege cisdocca,” ein qa eu age wele dalawan aqec jicna lein.

²³Odimeig age Anut bileceb catanenana binan sulegina eu hibemdoin. Odimeig age wadacdumeig dana cal menana kadan tibud hahunuga oin, odocob man fululec hahunuga oin, odocob dool hahunuga oin, odocob man sononec hahunuga oin, ceteteh eu binanaga sulein.