Rakot Nohora Makodi Upler lirni 19:3-8

³“La'pa emkade de mimpiesiay hya'a la' ler mak rharani miy?” Rwahla riwra: “Ampesiay hya' maka Yohansi nwatutga.”

⁴Noma Paulus nakot la: “Ina-nara ama-hyali, lerni pa Yohansi ha nharania rira de, nakot la re niwra: “Mimhioitio'ora-mtiahnei dioinia oleka do'omi-halmi.” Mere Yohansi e nakot walia la riy Israel, niwra: “Miy miana mpiesiay walia riy mak ktawli'iru mai a' di,” Hade de Yesus.”

⁵La'pa ratlin nan hade, noma rharania rde la Yesus nanni wawannu.

⁶Ne la'pa Paulus nran limni la ir wawannu de, Uplerlawna Nhiw Lululli Nodi plolli la ira, noma rmeh'a raltiertieria la yawala mak ha raplinu, me rakot nohora kot mak rlernana la Uplerlawna la' ler de.

⁷La' rawok ir de, de la'pa edon nhal de riy termida wehrani woru.

⁸La'a wolla wotel ralamni de, Paulus edonna natota-nawawet lia riy ida ne naltier die nto'pi-ngauria lirni la mak kden la Yahudi kreini re, me nor ira rawahla lira totpena nhedu-ntehra ir la'a hya' maka e nakot nohora la' Uplerlawna Nodi plolli pa emek Ray de naplola.