19 Bouch alèlè pa kenbe sekrè. Pa mele ak moun ki pale twòp.
20 Moun ki bay manman l' ak papa l' madichon p'ap viv lontan.
21 Richès ou ranmase fasil fasil p'ap janm vin yon benediksyon pou ou.
22 Pa janm di se ou ki pou vanje tèt ou. Mete konfyans ou nan Seyè a, l'a delivre ou.
23 Seyè a pa ka sipòte moun k'ap sèvi ak de pwa de mezi. Sa pa bon pou ou sèvi ak move balans.
24 Se Seyè a ki louvri chemen devan nou. Ki jan lèzòm ka rive konprann lavi?
25 Pa prese fè Bondye pwomès. Ou ka règrèt sa pita.
