3 Elos orek pwapa lukma in lain mwet lom; Elos pwapa in lainulos su kom karingin.
4 Elos fahk, “Fahsru, lela kut in kunausla mutunfacl selos, Tuh inen Israel in mulkinyukla nwe tok.”
5 Elos insese ke pwapa lalos Ac tukeni orala oakwuk se in lain kom.
6 Elos mwet Edom ac mwet Ishmael, Mwet Moab ac mwet Hagar,
7 Mwet Gebal, Ammon ac Amalek, Ac mwet Philistia ac Tyre.
8 Mwet Assyria oayapa welulosyang, Elos arulana asruoki ku nu sin mwet Ammon ac mwet Moab, su ma in fwil natul Lot.
9 Oru nu selos oana kom tuh oru nu sin mwet Midian, Ac nu sel Sisera ac Jabin sisken Infacl Kishon.
10 Kom kutangulosla in acn Endor, Ac manolos kulawi fin fohk uh.
