6Yawey, ngudda God nawu Yirrulkarrekimuk Duninjh dja ngudda yiwohrnan rowk, wanjh kanbekkabekka! Kunubewu bininj nawu ngundiyawayawan kabirriyemengalme bu ngayekenh, dja ngawarnyak duninjh. Ngudda God ngadberre nawu Israel ngankebmawahmeng, kanbidyikarrmen ngardduk ba bu bininj rowk nawu ngundimarneboddan minj kabirriwowarremen bu ngayekenh.
Psalm 69
Psalm 69:6