Psalm 51:1-9

¹MAING Kot, kom kotin maki ong ia duen omui kalangan, o kotin lapwada dip ai duen ar kalangan lapalap.

²Kom kotin widen ia sang ai wiawia sapung, o kotin kamakel ia da sang ni dip ai.

³Pwe i asa duen ai wiadar me sued, o dip ai me sansal ong ia ansau karos.

⁴Ong komui eta me i wiai dip ong, o wiadar sapung mon silang omui, pwe komui me pung eta ni omui masan akan, o komui makelekel eta ni omui pan kadeikada.

⁵Kotin masani, me i ipwidier ni sapung, o in ai ape kin ia dar ni mang en dip.

⁶Kotin masani, kom kin kotin mauki melel, me mi wasa rir; kom kin kasale ong ia lolekong rir.

⁷Kom kotin kamakele kin ia isop, pwe i en minla, widen ia, pwe i en puetepueteta sno.

⁸Kom kotiki ong ia peren o popol, pwe kokon ai kan, me kom kotin kawelar, en insenemaula.

⁹Kom kotin sopwei sang dip ai kan, o kotin lapwada ai sapung karos.