2 Mwet fulat ac mwet srisrik oana sie, Mwet kasrup ac oayapa mwet sukasrup.
3 Nunak luk ac fah kalem; Nga ac fah kaskas ke kas in lalmwetmet.
4 Nga fah nunku ke soakas uh, Ac aketeya kalmac ke nga srital ke harp uh.
5 Nga tia sangeng in pacl in ongoiya Ke mwet lokoalok elos rauniyula,
6 Ku ke mwet koluk, su lulalfongi na ke mwe kasrup lalos, Elos ac konkin ke ma puspis lalos.
7 Sie mwet tia ku in sifacna molella; El tia ku in moli nu sin God ke moul lal,
8 Mweyen molin moul lun sie mwet arulana yokla. Ma el ac sang moli an tia ku in fal
9 In sang molella liki misa, Tuh elan ku in moul nwe tok.
10 Mwet nukewa ku in liye pac lah finne mwet lalmwetmet, elos ac misa pac, Oapana mwet lalfon ac mwet lofong. Elos nukewa ac misa ac filiya mwe kasrup lalos nu sin fwilin tulik natulos.
