3 God El akkalemye lah oasr nien moul misla yorol In pot ku lun siti sac.
4 Tokosra puspis, wi mwet mweun lalos, elos fahsreni Ac tuku in mweuni Fineol Zion.
5 Tusruktu ke elos liye Fineol Zion, elos arulana fwefela; Elos sangeng ac kaingla.
6 Elos sangeng ac arulana tuninfongla ingo, Oana sie mutan su akola in isus,
7 Ku oana oak palang su musalla ke sie paka lulap.
8 Kut lohng tari ke ma God El orala Ac inge kut liye In siti lun God lasr, LEUM GOD Kulana; El ac fah karingin siti sac nwe tok ma pahtpat.
