9 El kol mwet inse pusisel nu ke inkanek pwaye Ac lotelos ke ma lungse lal.
10 Ke oaru ac lungse, El kololos su Karinganang wuleang lal ac akos ma sap lal.
11 LEUM GOD, nunak munas ke ma koluk luk, fal nu ke Inem, Tuh ma koluk luk arulana pus.
12 Elos su sunakin LEUM GOD El ac fah luti nu selos inkanek su fal elos in fahsr kac.
13 Elos ac fah kapkapak, Ac fwil natulos ac fah usrui facl selos.
14 LEUM GOD El mwet kawuk lalos su sunakunul Ac El ac fah akpwayeye wulela lal nu selos.
15 Nga suk kasru sin LEUM GOD in pacl nukewa, Ac El moliyu liki mwe sensen.
16 LEUM GOD, ngetma nu sik ac pakomutuk, Tuh nga muku ac munas.
17 Akfisrasrye mwe fosrnga nu sik Ac moliyula liki mwe ongoiya.
18 Akilen fosrnga ac keok luk Ac nunak munas ke ma koluk luk nukewa.
