13 Elos ac fah kapkapak, Ac fwil natulos ac fah usrui facl selos.
14 LEUM GOD El mwet kawuk lalos su sunakunul Ac El ac fah akpwayeye wulela lal nu selos.
15 Nga suk kasru sin LEUM GOD in pacl nukewa, Ac El moliyu liki mwe sensen.
16 LEUM GOD, ngetma nu sik ac pakomutuk, Tuh nga muku ac munas.
17 Akfisrasrye mwe fosrnga nu sik Ac moliyula liki mwe ongoiya.
18 Akilen fosrnga ac keok luk Ac nunak munas ke ma koluk luk nukewa.
19 Liye pusiyen mwet lokoalok luk, Ac ke lupan srunga sulallal lalos nu sik.