Psalm 148:7-14 in Kosraean

⁷ Kaksakin LEUM GOD fin faclu me, Kowos ma sulallal lulap inkof uh, oayapa yen loal nukewa meoa;

⁸ Sarom ac af yohk kosra, snow ac pukunyeng uh, Paka su akos pac sap lal.

⁹ Kaksakunul, kowos eol ac inging uh, Insak uh, ac sak ma isus fahko,

¹⁰ Kosro lemnak, ac kosro muna, Ma orakrak ke sia, ac won sohksok nukewa.

¹¹ Kaksakunul, kowos tokosra uh, ac mutanfahl nukewa, Mwet leum, ac mwet kol nukewa fin faclu,

¹² Mutan fusr ac mukul fusr, Mwet matu ac oayapa tulik.

¹³ Lela elos nukewa in kaksakin Inen LEUM GOD! Tuh Inel fulat liki ine nukewa saya. Wolana lal oan lucng liki faclu ac kusrao.

¹⁴ El oru tuh facl sel in ku, Tuh mwet lal nukewa in kaksakunul — Aok mwet Israel, su arulana saok sel. Kaksakin LEUM GOD!