Proverbs 8:24-35

²⁴Gagi se yu me arata tom te,

²⁵duruk bibiya se motongar gotektek kuwim me ta ta la,

²⁶nu ali se tammanga mel awote mu me nungam la, ani noko ningi bagerem.

²⁷Ani bagerem se nu taiti gomang nungam, ale taiti tagi ago kapa gagi karogo numi kuting iluwam;

²⁸ale taiti nuwi taiti gomang te awuram, ale yu ali ningi nungam;

²⁹ale gagi ko tom bita bita karogo namaram ale ali me mituwurokko balam; ale ali ko nukuri awu awu karogo namaram.

³⁰Nu ani noko ikia sinar te mel suen la imi nunguruwakaso, ale pempem ago ko amilmil kelagakaso; se ani noko ningi betela amilmilakasam,

³¹ale ali mel se kariimet suen la nunga nungam mu ko ninguru amilmilakasam.

³²“Se aga kuriang alo, aninga den ninguru ikialko; ani balsam turan beteral, mu amilmilaralko.

³³Aninga karo tua ko den ikial ale ikia sinar ago bagaralko; me nibiring tualko.

³⁴Awiriya pempem taiso aningate den ikiso ale karo tuso, mu amilmilarukko.

³⁵Mu awuk, awiriya aninga kupuso ale agarkoso, mu nu bagara ningo arigiso, ale Yawe motam te ningo la lagoso.