Proverbs 26:21-27

²¹Tam kaok mu kowar biya, se tama kower iluso ale kaniso; uwutatala, ining munak ko kariimet nungumik te, kager mu tama barasukam barasoso.

²²Kari buring ko bala ko den mu inang yaman yaman iwita; se kariimet amilmil te nasan se nutagu ningi kaposo.

²³Munak welang yawara te bo ko gemang memek mu kaluwura mu ko ariga, kani bo ali te nungurman ale mel bo silver iwita, bare silver nunguning mena, wore te palunguru beteman iwita.

²⁴Kari memek mu ko munak welang welang te ko ikia yumura memek gomang motam ningi kaluwuso.

²⁵Buta se kari ni kerak memek mu yawara karogo munakaruk, bare me ko gemang ningi nunguning arukko, mu awuk, nu ikia memek duap duap karogo bagoso.

²⁶Nu ko munak kawel mu te ko gomang memek mu am kaluwurokko, bare noko munan memek mu wetangaruk se kariimet ko ikimonko.

²⁷Kari bo kari te iluwokko mutim iso, mu kota ningi dagulokko; kari bo manga aromemek diruwuso se duruk luan karoso kariimet nunga morukko kaposo, mu manga bo nu irok se kuerukko.