8 Pi’in nib buch e rorad e yad ma yan ko kanawo’ nib dalib, ma pi’in nde buch e rorad e yad ma rin’ e n’en ni bfel’.
9 Kabfel’ ni ngam par u daken e chigiy, ko bin ngam pirew le’engim u ta’ab naun nib gel lungun ni der fan langan ko pupuwan’.
10 Girdi’ ni kireb e gubin ngiyal’ ni yad ma yim’ ni bochan e kireb; ma darir rrungyed be’.
11 Nap’an ni yira gechignag be’ nib tolngan’, ma mus ko en der ma leam nra fil ban’en riy. Ma en nib gonop e ra fil ban’en ko n’en ni kanfil ngak.
12 Got, ni facha’ nib mat’aw, e manang ko mang e n’en ni be buch u lan e pi tabnaw rok e pi’in kireb, ma ir e ra girngiyrad nga but’ ko gafgow.
13 Fa’anra dab mu mmotoyil ko meyor ko pi’in gafgow, ma birom e meyor ni man ayuw e dab ni rung’ag.
14 Fa’anra damumuw be’ ngom, ma ga ra pi’ ba tow’ath ngak nib mith mra gapaseg e damumuw rok.
15 Nap’an ni yira rin’ ban’en nib manigil, me felfelan’ e girdi’ nib manigil, ma pi’in kireb e ra math e liyab ngorad.
