Proverbs 17:16-26

¹⁶Anape ko kari supulingkiri mena mu ikia ningo te diarukko manga kuting te bitarko? Mu me terong, mu awuk, nu ikia sinar taukko gomang me aniso.

¹⁷Tiran yawara mu pempem ka kua lagarukko; se ka launuria mu ka ikup dun sika giokko bagoso.

¹⁸Ni ikia sinar mena wore asele, kari bo, bo kote dinau bitiruk mu ni sangaru ale kutuwurko baluko.

¹⁹Awiriya ining singi tagira gurungumura bitirukko kua lagoso, koma suanta nu memek tagi kumik te bitirukko kua lagoso; supuling lagara se nimi patawura ko munan mu, memek tagirok se tairuk ka maguwurokko.

²⁰Kari gomang motam daeldel pukakung mu, munan mu te molak me maiso; awiriya kuamili kawel munan karogo mu ikup ningi daguloso.

²¹Kuriang supulingkiri aora biya mu nuet gomang motam batagarso, se amilmil bo kote mena se gomang ikup biya.

²²Nangamang motam amilmil ago bagara mu marasin ningo iwita; bare nangamang ikup ago bagara mu nangimik sokel karogo kaposo.

²³Manga yumura la kariimet kuting te tata ko munan te, mel bo diram la me arataso.

²⁴Kari sinar mu ikia sinar moke sengem ko beteso; bare kari ikia mena, mu ngual kasik beteso.

²⁵Kuriang bo ikia memek karo tui lagoso, mu noko nuamnuet nongomang ikup biya lagasan.

²⁶Kari kumik den mena mu, memek yam ipi kumik te betera mu memek; se kari ningo bo, ko munan ningo ko yam ipi memek te betera mu me terong tala.