Proverbs 12:7-10

⁷Kariimet memek mu ikup arigisan ale maga namasan; bare kari ningo mu ko kawam digo lilim karogo sokel karogo la lagoso.

⁸Kari ikia sinar ago mu nup biya taso; bare kari ko ikia daeldel pukakung mu mel yam ko betesan.

⁹Munan nunguning mu iwita: kari kituwura ko baga se ke kimik ko ura bitar mu terong; bare kimik mel mena wore nimi kaluwura ale mel suen biya ago iwita baga se inang ko kua lagara mu munan kawel.

¹⁰Munan diram ko kari mu ko buruk kausik mel ninguru nunga bitarso; bare kari memek mu ko buruk kausik mel ningo nungumik te beteso ma se, wore ninguru nunga bita maguwuso.