15 Gwae-gwaesuli, binnasdikigwadgi, dule-nuga-nikad-e-binsaed ogwaleged. Nuedgi, urwedginsuli-sunmaklegedi, bela igar-bulegangi obilleged.
16 Be achanis amisale, melle dogdar-mao. Ar doggus be masale, be agdoed.
17 Melle bali-bali dule-baid-negse nanao. Ichakwagwad, bali-bali-nanaer, abakalegi budar-be-dakedba, isdar be-dakalile.
18 Dule, e-aigi gakansaar-sunmakedi, akwa-mamaredyob gued. Es-suidyobi, degi, es-swiswidikidyob gubalid. Emar-wioged.
19 Dule, suli-suli-itogedgine, dule-isganagi bensuli gunonikile, nugar-nunmakedyob gued. Degi, nailik-mali-bisgar-gudiidyobi gued. Binsaedsuli daed.
20 Dule-bukib-binsaedba-wile-itodiidgala namaklemaladgi-namakedi, nuedsulid. Ega ukagi-yaa-siidgi balu-eogeyobid. Degi, neg-dambipigwadgi mor-esuedyobid. Gwen gadi-gadi imakosulid.
21 Be-isdarad ukudmaada-itogele, masgi ogunno, uku-uku-itogele, ogobo.
