29 Fiyu runaga amïguntapis engañanmi. Payga amïgunta llutanmanmi gaycun.
30 Mana allita rurayta yarpajcunaga ñipchipayllapami sëñata rurashunqui. Mana allita rurariycorga shimi wirpanta amucurcun.
31 Allillata rurajcunaga chachayänancamami cawan. Sogu caynenga corönanömi cushicachin.
32 Alli chölu-tucuypitaga mas alli pasinsacuymi. Llapan marcapa mandajnin cananpitaga mas alli caycan quiquinraj alli duminacuyta yachashanmi.
33 Imata rurananpäpis runaga surtitami jitan. Chaypis Tayta Diosrämi camacächin.
