PROVERBIORUM 8:28-32

²⁸quando æthera firmabat sursum, et librabat fontes aquarum;

²⁹quando circumdabat mari terminum suum, et legem ponebat aquis, ne transirent fines suos; quando appendebat fundamenta terræ:

³⁰cum eo eram, cuncta componens. Et delectabar per singulos dies, ludens coram eo omni tempore,

³¹ludens in orbe terrarum; et deliciæ meæ esse cum filiis hominum.

³²Nunc ergo, filii, audite me: beati qui custodiunt vias meas.