14Fovea profunda os alienæ: cui iratus est Dominus, incidet in eam.
15Stultitia colligata est in corde pueri, et virga disciplinæ fugabit eam.
16Qui calumniatur pauperem ut augeat divitias suas, dabit ipse ditiori, et egebit.
17Inclina aurem tuam, et audi verba sapientium: appone autem cor ad doctrinam meam,
18quæ pulchra erit tibi cum servaveris eam in ventre tuo, et redundabit in labiis tuis:
19ut sit in Domino fiducia tua, unde et ostendi eam tibi hodie.
20Ecce descripsi eam tibi tripliciter, in cogitationibus et scientia:
21ut ostenderem tibi firmitatem et eloquia veritatis, respondere ex his illis qui miserunt te.
22Non facias violentiam pauperi quia pauper est, neque conteras egenum in porta:
PROVERBIORUM 22
PROVERBIORUM 22:14-22