PROVERBIORUM 12:9-12

⁹Melior est pauper et sufficiens sibi quam gloriosus et indigens pane.

¹⁰Novit justus jumentorum suorum animas; viscera autem impiorum crudelia.

¹¹Qui operatur terram suam satiabitur panibus; qui autem sectatur otium stultissimus est. Qui suavis est in vini demorationibus, in suis munitionibus relinquit contumeliam.

¹²Desiderium impii munimentum est pessimorum; radix autem justorum proficiet.