14Ubi non est gubernator, populus corruet; salus autem, ubi multa consilia.
15Affligetur malo qui fidem facit pro extraneo; qui autem cavet laqueos securus erit.
16Mulier gratiosa inveniet gloriam, et robusti habebunt divitias.
17Benefacit animæ suæ vir misericors; qui autem crudelis est, etiam propinquos abjicit.
18Impius facit opus instabile, seminanti autem justitiam merces fidelis.
19Clementia præparat vitam, et sectatio malorum mortem.
20Abominabile Domino cor pravum, et voluntas ejus in iis qui simpliciter ambulant.
21Manus in manu non erit innocens malus; semen autem justorum salvabitur.
22Circulus aureus in naribus suis, mulier pulchra et fatua.
PROVERBIORUM 11
PROVERBIORUM 11:14-22