4Egestatem operata est manus remissa; manus autem fortium divitias parat. Qui nititur mendaciis, hic pascit ventos; idem autem ipse sequitur aves volantes.
5Qui congregat in messe, filius sapiens est; qui autem stertit æstate, filius confusionis.
6Benedictio Domini super caput justi; os autem impiorum operit iniquitas.
7Memoria justi cum laudibus, et nomen impiorum putrescet.
8Sapiens corde præcepta suscipit; stultus cæditur labiis.