6 Adi na on-onodan din danan ay manturong si biyag. Nasangaw sisya ay manlikeliked sin nakillokillo ay danan, ngem adi na ammo.
7 Isonga ed wani, dengngem din ibagak yan adi kan liwliw-an.
8 Addawiam din kaman nidi ay babai. Adi ka polos somag-en sin pantew di beey na.
9 Tan mo somag-en ka, posen di odom din dayaw mo yan pilit ay idawat mo si ipogaw ay magay seg-ang na din ginon-od mo sin pigay tawen di biyag mo.
10 Alaen di mangili din kinabaknang mo ay inligligatam.
11 Sin odi na, manbayeweng ka tan enggay komapsot din awak mo.
12 Et kanam, “Apay nga sinigaak ay maitdoan ya mabagbagaan?
