8 Mo say amagem na, pabikasenas sik-a ta nasalon-at ka ya mayat di liknam.
9 Dayawem si Diyos babaen sin pangidatonam si pilak ya damo ay apit mo.
10 Mo say iyat mo di, mapno din agamang mo ya mansobsobra di arak mo.
11 Anak ko, adi kan lalasoyen din pamagbagan Diyos. Adi koman mansakit di nemnem mo mo bagbagaan daka.
12 Tan bagbagaan Diyos din laylaydena ay kaman din iyat di ama sin laylaydena ay anak na.
13 Nagasat din makagon-od si sirib ya panang-awat.
14 Tan din sirib et nabanbanol mo palata ya balitok.
15 Nabanbanol mo olay sino ay nangina ay al-altin di awak ya magay makaiso sin olay sino ay laydelaydem.
