26 Masirib sisya sin iyat na ay mankali yan nainayad di iyat na ay mamagbaga.
27 Es-estena din pamilya na yan kanayon ay nagaget sisya.
28 Idaydayaw din an-ak na yan it-it-ek aben asawa na ay kanana,
29 “Ad-ado di siged ay babai, ngem sik-a di kasigedan.”
30 Din kinapintas yan mangietek ya wada abey timpo ay komopas, ngem din babai ay mangipateg en Diyos et lebbeng na ay maidayaw.
31 Bigbigen ya idaydayaw sisya sin sangoanan di kaipoipogaw begew sin inam-amag na.
