Pris Sę Ebo Bomai Po 9:18-22

¹⁸Nosali Arongo te we bidi dabego Genuai Bidi dali deli haliga pedalubo ofa yainu sesali kau kibu me sipsip elali. Te kibu sigo kaneme aga ogwa dabego selama, te agabolo mani, tama agai te kaneme te alta bogo me si me si badu sąsągą bilai dao.

¹⁹Tama Arongo te nisai sipsip kibu danu sobadi, te kibu sigo te ili sali. Agai te haliga bealubo delegabe me te si wabo homugo si siyu, te polalubo deli wabo dini homu wiegi yai deli sai dao.

²⁰Tialima, augwaligo te nai dabe te kibu si bauba munama, te tigidali altaba sela pali. Tama Arongo te kibu ili tigidali te altaba ulai dao.

²¹Tama agai te kibu kau me sipsip bau, me kibu dolo sągą me agai nogode tolaluyu, te Genuai Bidigo gedude iba eda hoga yali, te Mosesgo po wali gilama yai dao.

²²Arongo te ofa dabe ela silama da, teda agai nogo si te we bidi dabeba ugwa selama, te po weyu, te Godigo augwali wiegi yai ilao wali. Nosali agai te alta tagalama, aiyaba dulalio.