Pris Sę Ebo Bomai Po 8:16-18

¹⁶Tama Mosesgo te kibu kau haliga bealubo kibu ili delegabe tigidali sobadi, te hasia polalubo dini homu te wiegi yai sobadi, te si wali homugo si siyu, te ili dali selama, tama agai te nai dabe altade ulama, te keli naga elalu yai dao.

¹⁷Tama agai te kibu kau pedai dage me badu dali, te wali me, kibu mi me, te haliga me, tigidali selama, te pesage nigali buluba sela soali. Tama agai te sia nogonama, te kau kibu ulama, te siago tigidali dela silai. Agai te Genuai Bidigo agabolo wali po gilama tama sę yai dao.

¹⁸Nosali Mosesgo te sipsip kibu omai si elaluali te me deli agai sela asali. Te isigo tigidali dela silabo ofa yabo sipsip dao. Tialima, Aron aga ogwa dabe daligo te sipsip toboluba nogo muai dao.