Pris Sę Ebo Bomai Po 5:3-16

³“Ma, te bidi me deligo te homugo bugagia konesiąma, te bidi me deli, me we me deli tigide pedelali sęde nogogo diąyu elama, te Godigo gedude meda elalubaso da, teda te bidi God gedude meda yai pedalubao. Te aga yali kolesaga aga koneagasobo sogo, aga yali sę dagede te sęgę elalubo dao.”

⁴“Ma, bidi me deligo bugagia homu konesiąma, te nai me delide mu po dao po ugwaba obaso da, teda agai Godigo gedude dwai sę ebao. Te aga yali sę konebo sogo da, teda aga yali sę dagede te sęgę sabo dao,” wali.

⁵“Te bidi me deligo te tobage dobo sę tiwai ebaso da, teda aga yali sę dagede geda mubaso, te sę yali po hanilama pusao.

⁶Tama agai te sipsip so kibu deli, ma meme kibu so deli selama, te Genuai Bidiba selasa asama, te aga yali sęgę sela sąbo ofa tiwai yagasao. Tama prisgo te kibugo te bidigo sęgę sela sąyu ofa ilibaso da, Godigo agai sęgę sela sąwaibao.”

⁷“Te bidi me aga dagede te mone sǫą pelama, agai te sipsip ma meme abelabo mone meni baso da, agai te ba hi si selama, te aga yali sę sela sąwainu Genuai Bidiba selasa asao. Te ba hi me deligo te sęgę sela sąbo ofa tiwai eyu, me deligo te siaba tigidali ulama, te dela silibo ofa eyu yao,” wai.

⁸“Tama agai te ba hi si te prisba sela pelama, te prisgo te ba hi mego te sęgę sela sąbo ofa tiwai yao. Prisgo te ba hi mage togwa sąnama, te tobolu sela sągio.

⁹Tama agai te kaneme dwasianu selama, te alta bogo badu sąsągą bilao, te gasa me badu kaneme te alta dogwa sali madiba gealuao. Te ba hi te sęgę sela sąbo ofa dao.

¹⁰Nosali prisgo te me elalubo ba higo te isigo tigidali dela silibo ofa yao. Agai te tobage ebo ofago bomai po wali pao. Te tiwai naga prisgo te bidigo sęgę sela sąbo ofa ebaso da, teda Godigo agai sęgę sela sąwaibao,” wali.

¹¹“Te bidi me aga dagede aga te mone mu sǫą pelama, agai te ba hi si abelabo mone usu isąbaso da, teda agai te kilogram deli yai wiegi yai plaua selama, selasa asao. Tiali goli, agai te oliv wel me, te wiegi yai denami hano ilibo pauda me, te plauaba te wit ofa ebo tiwai me igio, magi baso meni, te plaua te sęgę sela sąbo ofa tiwai ebo dao.

¹²Tama agai te plaua prisba sela pelama, te prisgo te plaua dwasianu nogode selama, te plaua tigidali te Genuai Bidiba ofa ilali dąį tiwai yaibao. Tama prisgo te dwasianu plaua te ofa ebo nai dabe dali te altaba ulao. Te plaua te sęgę sela sąbo ofa dao.

¹³Tama tialima, prisgo te bidigo sęgę sela sąbo ofa ebaso da, teda Godigo agai sęgę sela sąbo dao. Te plaua me badu munalubadi yaibaso da, te prisgo plaua dao, te wit ulubo plaua ofa tiwai ebao,” wali.

¹⁴Genuai Bidigo Mosesbolo waliyu, te Israel dabeba te tiwai po omainogo yali,

¹⁵“Te bidi me deligo Genuai Bidiba te nai dabe me maiabo homu yai te agai homu kone ebo gegeda pobaso da, teda agai sęgę me elalubao. Tialima, te bidigo te Genuai Bidiba te masiąwani nai wei ponoyu, te aga yali sę silimainu ofa mao. Te prisgo agabolo walama, te wiegi yai sipsip omai kibu me deli sao, te keni kenigo aga tigi me dolisąwai, selasa asao. Tama prisgo te bidigo sela asabo sipsipde mone namba dąį ilaibao. Tama bidigo te tiwai sipsip me deli selama, te prisba selasa asao,” te po wai.

¹⁶“Te mone me doado bage hasia Genuai Bidiba masiąwani nai, megi agai mayu, te agai gasa dali ugwadu daganama mao. Te agai negeli a naga elalubaso da, teda agai a naga me deli ugwadu daganama, wei ponao, te negeli elaluali dodoliyu tama tiao. Agai te prisba mao. Te prisgo te bidigo sela asali sipsip selama, tama prisgo te bidigo aga sęgę sela sąbaso da, teda Godigo agai sęgę sela sąwaibao,” wai dao.