Predikanto 6:3-7

³Se iu homo naskigus cent infanojn kaj vivus multajn jarojn kaj atingus profundan aĝon, sed lia animo ne ĝuus sate la havon, kaj eĉ bonan enterigon li ne havus — tiam mi dirus: Pli feliĉa ol li estas abortito.

⁴Ĉar ĉi tiu vante venis kaj en mallumon foriris, kaj en mallumo kaŝiĝos lia nomo.

⁵Eĉ la sunon li ne vidis kaj ne konis — al li estas pli trankvile ol al tiu.

⁶Kaj se tiu homo vivus du mil jarojn kaj la bonon ne ĝuus, ĉu ne al unu loko ĉiuj iros?

⁷Ĉiuj laboroj de homo estas por lia buŝo, kaj tamen lia animo ne estas satigebla.