Pisalem 97:1-11

¹Dimaadua la di king! Henuailala gi tenetene! Tenetene, goodou go nia henua o di moana!

²Nia gololangi mo di bouli dongoeho e haganiga i di gili o Maa. Mee e dagi ana mee gii donu gi humalia.

³Di ahi e hana i mua o Mee, e dudu nia hagadaumee o Maa ala i di gili o Maa.

⁴Di ila a Maa gu inaina henuailala. Henuailala guu mmada gi di maa, gu bolebole.

⁵Nia gonduu gu waiwai be nia kiliidi i mua Dimaadua, i mua di Tagi o henuailala huogodoo.

⁶Di langi i nua e hagamodongoohia nia humalia o Maa, nia daangada huogodoo e mmada gi nia madamada o Maa.

⁷Digau huogodoo ala e daumaha gi nia balu god gu haga langaadia. Nia god huogodoo le e pala gi lala i mua Dimaadua.

⁸Digau Zion gu manawa lamalia, nia waahale o Judah gu tenetene, idimaa go dau hagi aga, meenei Dimaadua.

⁹Meenei Yihowah, Di Gowaa Aamua, Goe dela e dagi henuailala hagatau, Goe koia e aamua i nia god huogodoo.

¹⁰Dimaadua e aloho i digau ala e hagadugina di huaidu. Mee e abaaba nia mouli o ana daangada. Mee e daa digaula gi daha mo nia mogobuna o digau huaidu.

¹¹Di maalama e daha i hongo digau ala e donu, mo di manawa lamalia i hongo digau ala e humalia.