Pisalem 8:2-4

²Nia dama mo nia ligiana e hagaamu labelaa Goe. Goe ne haga duu aga dau abaaba ang gi o hagadaumee, belee duuli digau huogodoo ala e hai baahi adu gi di Goe.

³Dogu mmada gi di langi dela ne hai Kooe, mo di malama mo nia heduu ala ne dugu Kooe gi nadau lohongo,

⁴gei au e hagabaubau boloo, “Tangada la di aha dela e haa manawa iei Goe, tangada hua dangada, gei Goe e madamada humalia ai?”