Pisalem 8:1-9

¹Meenei Dimaadua, go di madau Dagi, oo mahi e modongoohia i nia madagoaa huogodoo i henuailala! O hagaamu guu dau i di langi.

²Nia dama mo nia ligiana e hagaamu labelaa Goe. Goe ne haga duu aga dau abaaba ang gi o hagadaumee, belee duuli digau huogodoo ala e hai baahi adu gi di Goe.

³Dogu mmada gi di langi dela ne hai Kooe, mo di malama mo nia heduu ala ne dugu Kooe gi nadau lohongo,

⁴gei au e hagabaubau boloo, “Tangada la di aha dela e haa manawa iei Goe, tangada hua dangada, gei Goe e madamada humalia ai?”

⁵Goe ne hai a mee gi mada dulii gi lala i di Goe, gei Goe gu hagauda gi mee di hau madamada king mo di aamua.

⁶Goe gu haga menege aga a mee belee dagi nia mee huogodoo. Goe ne dugu a mee gi hongo nia mee huogodoo ala ne hai Kooe,

⁷nia siibi, mono kau, mono manu lodo geinga huogodoo,

⁸nia manu mamaangi mo nia iga, mo nia mee huogodoo ala i lodo di moana.

⁹Meenei Dimaadua, go di madau Dagi, do ingoo le e mahi gei e aamua i nia madagowaa huogodoo i henuailala!