Pisalem 85:3-13

³Goe gu hagalee hagawelewele gi digaula, gu daahi hua do hagawelewele damanaiee.

⁴Meenei God di madau Dangada Hagamouli, laha mai gimaadou gi muli gi doo baahi, dugua do manawa dee hiihai mai gi gimaadou!

⁵Goe ga hagawelewele hua mai gi gimaadou gaa hana hua beelaa? Do hagawelewele la hagalee dugu?

⁶Heia gimaadou gi maaloo labelaa, gei gimaadou, ala go au daangada, ga hagaamu Goe.

⁷Meenei Dimaadua, hagamodongoohia ina mai gi gimaadou do manawa aloho, dumaalia mai gi gimaadou do hagamouli.

⁸Au e hagalongo gi nia mee a Yihowah go God ala e helekai ai. Mee e hagababa mai gi gidaadou, ala go ana daangada, di aumaalia, maa gidaadou hagalee hula labelaa gi muli gi tadau hangahaihai dadaulia.

⁹Ma e donu bolo Mee ga hagamouli digau ala e hagalaamua Ia, gei di madamada o dono hagamouli gaa noho i tadau henua.

¹⁰Di aloho mo di manawa dahi gaa buni, di tonu mo di aumaalia ga bulubulu mai.

¹¹Tadau manawa dahi gaa tugi i nua mai henuailala, gei di tonu o God ga mmada iha i di langi.

¹²Dimaadua gaa hai gidaadou gi haadanga lamalia, gei tadau henua gaa huwa dau logo.

¹³Di tonu la gaa hana i mua Dimaadua, e hagatogomaalia di ala o Maa.