Pisalem 81:4-13

⁴Deenei la taganoho o Israel, di mee ne haganoho mai baahi di God o Jacob.

⁵Mee ne wanga gi nia daangada Israel taganoho deenei i dono madagoaa nogo heebagi gi tenua go Egypt. Au e hagalongo gi di lee e helekai, e de iloo eau be mee koai, e hai boloo,

⁶“Au ne daa gi daha godou mee ala nogo aamo go goodou i goodou dua, ga daa mai goodou gi daha mo godou ngalua kono.

⁷Godou madagoaa ne huaidu adu gi goodou, gei goodou gu gahigahi Au, gei Au gu haga dagaloaha goodou. Au gu goou adu gi goodou mai i dogu gowaa dela e bala iei Au i lodo di madangi maaloo. Au gu hagamada goodou i di monowai uwa aga i Meribah.

⁸Agu daangada, hagalongo mai gi dagu hagailoo. Digau Israel, Au e hiihai huoloo behee bolo goodou belee hagalongo mai gi di Au!

⁹Goodou hudee daumaha loo gi nia god ala i golo.

¹⁰Au go Yihowah, go di godou God, dela ne laha mai goodou gi daha mo Egypt. Hanga ina godou ngudu gi daha, gei Au ga haangai goodou.

¹¹“Gei agu daangada hagalee hiihai e hagalongo mai gi di Au. Israel gu hagalee daudali agu helekai.

¹²Gei Au gu diiagi hua digaula gi lodo nadau manawa de hagalongo gi heia nadau mee ala e hiihai ginai.

¹³Au bolo agu daangada la belee hagalongo mai gi di Au, gei Au e hiihai bolo digaula belee daudali agu helekai,