Pisalem 77:2-8

²I lodo di madagoaa haingadaa, gei au e dalodalo ang gi Tagi. I di boo dogomaalia, gei au e daahi aga ogu lima gi nua e dalodalo, gei au e deemee di manawa lamalia.

³Dogu madagoaa ma ga hagamaanadu a God, gei au e manawa dogu uhi. Dogu madagoaa ma ga hagamamaanadu, gei au e manawa bagege ogu lodo.

⁴God guu hai au gii ala i di boo dogomaalia. Au gu de nnoomaalia, gu deemee dagu helekai.

⁵Au e maanadu nia laangi ala ne hula, gei e langalangahia eau nia ngadau ala i mua.

⁶I di waalooloo di boo, gei au e hagabaubau huoloo nia mee aanei i ogu lodo, mo di hagamamaanadu mo di heheeu mai gi ogu lodo boloo,

⁷“Dimaadua gaa mee hua di diiagi gidaadou beelaa? Mee gu hagalee hua e tenetene labelaa mai gi gidaadou?

⁸Mee gu hagalee hua e aloho i gidaadou? Nia hagababa a Maa la gu hagalee haga kila aga?