Pisalem 74:7-10

⁷Digaula gu oho do Hale Daumaha, guu dudu di maa gii wele, gu haga milimilia di gowaa dela e hagalaamua ai au daangada do ingoo.

⁸Digaula gu hiihai bolo ginaadou e hai gimaadou hagahuaidu, digaula guu dudu nia gowaa haga madagu huogodoo ala i lodo tenua deenei.

⁹Tadau ada mee haga madagu huogodoo gu hagalee. Nia soukohp gu hagalee labelaa, gu deai hogi tangada e iloo ia be di hai deenei le e waalooloo behee ai.

¹⁰Meenei God, e waalooloo behee go madau hagadaumee di nadau haganneennee Goe? Digaula e mee di haga balumee do ingoo gaa hana hua beelaa?