Pisalem 74:2-6

²Goe gi langahia e Goe au daangada ala ne hilihili Kooe i mua loo belee hai nia daangada ni aau, ala ne hagamehede Kooe mai gi daha mo nadau noho hege belee hai do madawaawa. Goe gi langahia di Gonduu Zion, dela nogo noho iei Goe i mua.

³Hanimoi gii mmada Goe gi nia gowaa mooho aanei. Madau hagadaumee gu oho nia mee huogodoo i lodo di Hale Daumaha.

⁴O hagadaumee ne wwolowwolo i lodo do Hale Daumaha bolo ginaadou gu aali. Digaula guu hudi gi nua nadau hagallebe i golo, e hai ai di hagailongo ni di aali.

⁵Digaula guu hai gadoo be digau hele laagau, e duuduu nadau laagau gi nia dalai.

⁶Digaula gu hahaahi nia haaligi laubaba gi nia dalai mono haamaa llauehe.