Pisalem 6:5-10

⁵I lodo tenua o digau mmade, tangada e langahia Goe ai. Deai tangada e hagaamu Goe i di gowaa deelaa ai.

⁶Au gu deai ogu mahi ai i dogu manawa gee huoloo. Nia boo huogodoo dogu moenge e tiu i dogu dangidangi, dogu ulungi gu uduhia i ogu dangi.

⁷Au gu deemee di mmada. Ogu golomada la gu haga hula i dogu dangidangi, dela ne hidi mai i ogu hagadaumee.

⁸Goodou go digau huaidu, tuu gi daha mo au! Dimaadua gu longono Ia au nogo dangidangi.

⁹Mee e hagalongo mai gi dagu gahigahi hagamaamaa, gei Mee ga hagagila dagu dalodalo.

¹⁰Ogu hagadaumee ga iloo di nadau haga langaadia i nadau magedaa. Digaula ga limalima hua ga hinihini ga hagabagi gi daha.