17Luada, oodee, mo hiahi agu tamu mo di dangi i lodo dogu manawa guu dau i mua o Mee, gei Mee ga hagalongo gi dogu lee.
18Mee ga laha mai au hagahumalia gi daha mai teebagi dela nogo heebagi iei au gi ogu hagadaumee dogologowaahee.
19God dela nogo dagi mai loo namua ga hagalongo mai gi di au, ga haga magedaa digaula, idimaa digaula hagalee hiihai e huli hoou, gei hagalee e mmaadagu i Mee.