Pisalem 55:15-18

¹⁵Heia ogu hagadaumee gii mmade i mua nadau madagoaa belee mmade ai. Digaula gi hula hua mouli gi lodo tenua o digau mmade! Di huaidu la i lodo nia hale digaula mo i lodo nia manawa digaula.

¹⁶Gei au ga gahigahi Dimaadua go God belee hagamaamaa au, gei Mee ga haga dagaloaha au.

¹⁷Luada, oodee, mo hiahi agu tamu mo di dangi i lodo dogu manawa guu dau i mua o Mee, gei Mee ga hagalongo gi dogu lee.

¹⁸Mee ga laha mai au hagahumalia gi daha mai teebagi dela nogo heebagi iei au gi ogu hagadaumee dogologowaahee.